無綫重頭劇《衝上雲霄II》播映期間，先後製造了不少話題，前晚劇情指胡定欣為好友趙希洛任代母，令她與黃子恒的婚約告吹。
胡杏兒與胡定欣昨日以姊妹檔，出席在尖沙嘴舉行的手錶品牌活動。剛從內蒙回港的杏兒表示日日在內地追《衝II》，可惜未有睇陳法拉的裸背戲，問杏兒戲份不及法拉？她說：「唔可以咁比，我啲戲有得發揮，少啲戲冇咁辛苦，鍾意認哥哥、同Sam哥嘅戲。」
下周行新收視制
外傳法拉以續約換多戲份？杏兒說：「難數一人有幾場，最緊要有得發揮。」她沒有留意認哥哥一幕被指囧樣再現。胡定欣被問到代母的情節，她說：「拍嗰陣冇諗過會唔會引起迴響，𠵱家有人評論，當然覺得開心。」她亦否認拍《貓屎媽媽》時因杏兒關係而不睬黃宗澤。
無綫昨日在銅鑼灣舉行記者會，公佈由下周一開始，將會實行跨平台總收視率，即是將電視收視和myTV.com在線點播收視一起計算，同時更公佈在新機制下，《衝II》的收視以36.4點（約233萬觀眾）穩守第一位，其次是《老表，你好嘢！》、《法網狙擊》、《女警愛作戰》及《仁心解碼II》，業務總經理鄭善強稱今後將跨平台的收視作為目標，達到30點（約193萬觀眾）或以上，梁乃鵬博士會設宴，所以下周將宴請《法網》、《女警》及《仁心II》的演員吃飯。
40點遊三亞慶功
代表《衝II》出席記者會的鄧梓峰和江美儀，同稱有信心收視繼續領先：「其實有好多演員仲未發功，所以我哋都有信心，如果有40點請去旅行，去三亞當搞多次宣傳，我哋仲可以喺機上招待大家㖭！」
此外，胡杏兒日前在尖沙嘴接受訪問，提到今次的演出時笑說：「10年前基本上可以用痛苦兩個字形容，第一係新喇，戲份好重，又要對住影帝做戲， 而且好多人以為蘇怡嘅性格似我，我唔係一個咁樂觀同開心嘅人，變咗要好多能量去做個角色。」問杏兒會否再問吳鎮宇對她的評價，她笑說 ：「𠵱家唔敢問，萬一佢話冇進步咪死！反而佢唔講仲好，但係我相信佢有問題實會出聲，冇提出特別要求，我諗應該過關。」
採訪：卓寶花、何慧斯、林嘉慈
攝影：陳俊強、黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！