【銅鑼灣百德新街】有傳年底會同男友結婚嘅名模Ana R.，婚前理應心情大靚，不過日前佢喺銅鑼灣行街濕平時，好似心情唔多好。當日傍晚6點左右，Ana素顏上陣，兩個小小黑眼圈有啲礙眼，佢獨自到百德新街閒逛，入咗間舖頭揀背心裙，但空手而回。當Ana打算轉戰對面街嘅潮店I.T時，本來已經昏暗嘅天空忽然落大雨，雖然Ana有帶遮，但雨勢太大，佢要行埋一邊避雨，可能因濕平行程受阻，見佢避雨期間不時扁嘴，兩三分鐘後佢先成功行到I.T。
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！