有殼后之稱嘅金利豐（1031）老闆朱李月華（朱太）上周六慶祝55歲牛一，豪請過百位好友到澳門美高梅（2282）酒店，大搞以戴帽為主題嘅「帽臨派對」，當晚場面繽紛熱鬧，連近日冧爆全城電視迷嘅「Cool魔」張智霖同太太袁詠儀都有捧場。
據聞，朱太同Cool魔其實唔熟，亦唔係粉絲，反而中國3D數碼（8078）主席蕭定一就係朱太老友，Cool魔今年中簽約蕭定一旗下，所以跟新老闆一齊去湊熱鬧。當晚Cool魔仲一啲都唔Cool，有求必應同大家合照。
其他到賀嘅娛樂兼財經界名人就有中國星（326）主席向華強、修身堂（8200）主席張玉珊，名模陳沛嘉亦一身粉紅連身裙出現，仲有陳永陸、郭思治、鄧聲興、朱太愛將黃德几等一班股評人。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24