澳門猛人、外號「街市偉」吳文新旗下奧瑪仕（959），噚日宣佈進軍瓦努阿圖，要喺當地開賭。原來瓦努阿圖唔單止係「我最想住嘅地方」，亦係部份人想去賭錢嘅地方！
奧瑪仕噚日出咗份簡短通告，話簽咗份意向書，打算收購一間目標公司51%股權，而目標公司已經同一間澳洲公司簽訂諒解備忘錄，計劃收購瓦努阿圖維拉港Grand Hotel and Casino全部股權，不過呢個項目似乎未有賭牌，要收購後先去申請。
除咗瓦努阿圖，呢間目標公司仲攞到喺北塞浦路斯土耳其共和國吉爾尼一間酒店同娛樂場嘅專營權。呢個個名咁長嘅地方究竟喺邊度呢？資料顯示，呢個地方位於地中海塞浦路斯北面，1974年宣佈建國，只得土耳其承認佢嘅政權。
原來睇通告可以增進地理知識！
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24