梁漢文噚日接受電台訪問，佢爆料話蘇永康就快派利是，仲話康仔係大男人，讚未來阿嫂好大量，馮仁昭噚日打電話畀康仔八吓，康仔笑住鬧梁炳：「佢係咪飲大咗？叫佢去死啦！結恭就有，冇計劃結婚，人哋（女友）係亞太區總經理，好忙㗎。」問究竟有乜喜事？康仔話：「續約囉！上次過檔費已經好和味，今次加成倍，國語唱片得隻《那誰》，我冇發力都搵到咁多錢，所以公司冇托手踭，交稅都要六位數，平平哋都買到架歐洲車。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！