警察真人騷，退休前粉墨登場，公開叫人開口後，咪f×××。這樣呼籲，去名校跟科科Ａ、父母不是醫生就是會計師測量師的高材生講，切合身份。但警司開金口撐場的地方，是旺角西洋菜街行人專用區。日間，的確是自由行大晒，一到十二點，邊個話事先阿sir，唔使審，係當阿sir無到的金毛強。粗口遠離校園，妖，關傻強嘟事！警司嚴正執法的話，一夜奔波，將粗口喪強成車拉回差館，又點呢，告他們不雅？失德？有病？將粗鄙文化帶入花了一億公帑打造什麼女人街地標的旺角鬧市，so f×××ing what！
警司扮高尚，撐優雅，推崇斯文，可惜揀錯地方，在滿街滿坑足浴店、姐姐仔隨時被放蛇差大哥食完免費餐蝕埋肉金還又鎖又拉的旺角，粗口，就像五步一檔的咖喱魚蛋，密集、本土兼同聲同氣。What the f×××，粗嘢而已，講句f×××就算辱警，叫曾偉雄將整個警隊搬去新界東北古洞那些「其家人」荒地餵蚊，負責幫局長及其家人收租吧，保證無辱則剛！