上周喺體院撞見滑浪風帆嘅32歲媽媽選手陳慧琪（右），同一班風帆師弟妹同枱食飯，仲同小記話上月試過因全運會去咗遼寧集訓兩星期，除掛住對孖女外，最慘係佢哋仲飲緊人奶，慧琪出trip前要做定大量「食糧」，原來佢當時已經同總教練艾培理傾緊退休事宜，噚日佢話喺呢兩星期令佢知道自己原來好掛住兩個女，而女兒亦喺屋企喊到病，又預計到未來風帆出trip時間太多，為免兩頭唔到岸，又掛住孖女，又做唔到風帆，同老公何智豪商量後，都係家庭為重而宣佈退休。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange