【風光不再】
桌上電腦失勢，砌機市場隨之萎縮，比90年代最輝煌時大跌七成。兩名同以砌機起家的腦場老闆，一人被迫轉型，另一人咬緊牙關堅持至今，同樣難忘90年代「收錢都收唔切」，連小店也可日賺70萬元。不過，砌機不死，仍有追求電腦速度效能的打機友等死硬追隨。
已轉賣高清電視的資深砌機達人李永強，直認曾歷痛苦掙扎，「但砌機已經搵唔到食，時代逼住你去變」。他憶述90年代日砌十多套電腦，月薪破萬，笑言「砌到天昏地暗」；砌機，即可按客人要求，將機殼、底板、硬碟等組件，組裝成一部電腦。
遊戲玩家是行業支柱
不過，近年大品牌原廠機保養和正版軟件一條龍，價錢越來越平，砌機不再吸引。他最初不願轉型，「咪一路減人手，月薪幾千一齊捱」，無奈最終仍要面對現實。
有人黯然退場，有人則堅持到底。正都電腦老闆John在砌機業最蓬勃時入行，「以前冇𠵱家咁多花臣，底板、CPU、Hard Disk火牛再加條RAM就搞掂。好多時砌定等人買咁滯，唔驚買唔出，只怕砌唔切」，忙不過來時行家甚至互相「讓客」。
生意大不如前，他卻堅持不轉型，追求運算速度的高階電腦遊戲玩家正是行業支柱，「以前為平，𠵱家講質素」。但他不諱言，小店人手少、入貨量亦不多，售後保養難免遜色。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange