見到囤地波一次、兩次咁話物業、土地由家人擁有，發覺上市規則其實幾可取，講緊瑞安建業（983）公佈，非執行董事黃勤道太太早前拎760萬元，買咗個「北京瑞安．君匯」住宅單位。
雖然買家係黃太，但根據上市規則，佢屬於瑞安嘅關連人士，呢單交易構成瑞安嘅關連交易，於是咪要公佈囉。
華華問黃勤道為乜買番瑞安樓，佢當然係賣花讚花香啦，擘頭第一句就讚瑞安嘅樓質量好好，包括佢自己在內嘅管理層，以前都有買過。
至於佢兩公婆買咗幾多瑞安樓？佢就話買咗幾多間就唔好講啦。咁仲會唔會買多幾間呢？黃勤道好行貨咁話，唔排除呢個可能性㗎。認真係好員工。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange