退市言論震散市場，美國加息憂慮升溫，債重股難逃一劫，高息股亦已非資金避風港，熱錢會泊去邊？魏力首選科網股，皆因增長高、概念強，不少是淨現金公司，防守力一流。趁騰訊（700）、金山軟件（3888）回氣之際，焦點隨時回歸「現金牛」網龍（777）身上。
網龍上月公佈以84.6億元，將手上91無綫股權賣畀百度，拖累股價怒瀉兩成。究其原因，91無綫主打手機遊戲，今年首季才轉賺1.07億人仔，毛利率74%；反觀網遊業務賺2.12億人仔，但按季僅增長一成。拉勻全季盈利升1倍，全因賣走91無綫呢隻金蛋後，憂慮增長大幅放緩，造成股價弱勢。
不過，網龍由原先將91無綫分拆上市，轉為賣畀百度，反映賣走對公司更有利。再講手遊市場競爭激烈，騰訊獨大的情況不易改變，金山軟件早已泊向騰訊，網龍想突圍而出，與百度合作不失為明智之舉，何況單以一季賺1億的業績，就賣了85億，點講都係好價錢，既消除未來經營的不明朗因素，日後與百度進一步合作，潛力無限。
然而，賣成與否仍需股東通過，假設不獲通過，其實網龍無大損失，因可保留金蛋，估值得以提升；如賣得成，手持逾90億現金，目前市值亦不過94億，網遊業務可謂免費贈送，加上公司早前約18蚊水平回購，以及潛在派特別息的因素，值博率其實甚高。
魏力
http://www.facebook.com/2012jason
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24