巴塞隆拿周三晚友賽泰國，巴西新星尼馬（左二）首次正選上陣，仲同球王美斯一齊拍住打箭頭。面對地上最強嘅攻力，泰國都只係捱到10分鐘左右，之後巴塞就開始大屠殺！美斯同柏度洛迪古斯分別梅開二度，加埋尼馬射入加盟巴塞後嘅處子入波，半場領先靠12碼破蛋嘅泰國5:1。換邊後，巴塞陸續換走美斯同尼馬，但攻力冇弱到，最終大勝7:1。另外，尼馬女友最近接受巴西傳媒訪問時，話只要尼馬喺比賽日有入波，男友嗰晚就有意外收穫，睇嚟尼馬今晚happy嘞！
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24