佳景集團（703）噚日逆市炒上4.4%，成為跌市嘅亮點之一。集團主要在澳門經營中西及日式餐廳，以及美食廣場櫃位，足迹遍佈各大賭場，高中低檔食客一網打盡，生意不愁。去年全年賺2.42億銀，按年勁升1.7倍，若撇除出售投資物業獲利1.25億銀，核心盈利則增長31%。佳景吸引之處在於估值夠平，現價市盈率約11倍，較本港兩大快餐龍頭大家樂（341）及大快活（052）平均市盈率約21倍，大幅折讓48%，雖然規模有距離，但估值差距之大絕不合理。佳景市賬率2.2倍，大家樂及大快活平均4倍，又出現45%折讓。集團首季生意及毛利全線錄得雙位數字增長，經營毛利率則收窄四個百分點至35.2%，主要由於部份新開業食肆收益未能抵銷營運開支，但相信新業務上軌道後，毛利率可重拾升勢。事實上，集團在橫琴島嘅澳門大學新校區開設四間新食肆，成功落戶這塊澳門腹地，再配合滿瀉嘅澳門旅客，前景值得看高一線。
睇圖表，經過一段時間橫行後，佳景噚日初現突破，一舉升穿10日線，現價2.15元可先投一注，突破50日線2.24元水平再加碼，短線睇升一成。
唐牛
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24