馬詩慧（Janet）昨與兩名女兒曼喜及麗嘉現身金鐘Geox鞋履活動，Janet再為大女曼喜被拍到夜蒲食煙解畫說：「之前講過，夜蒲唔代表曳，蒲係一個term，佢喺出面做嘅嘢唔曳，我係唔鍾意佢食煙，知道戒煙唔容易，畀啲時間佢，戒煙係意志問題，戒到兩、三年食番都冇用，治標唔治本，其實三年前，我寫過封信畀阿女，同佢講想佢做啲乜，唔做啲乜，其中食煙同紋身都唔想，兩樣都做咗，佢嗰時喺香港已經想做，我唔想小朋友傷害身體，有乜嘢需要當身體係畫布？」
問到馬詩慧細仔有否學家姐吸煙？她說：「冇，細佬𠵱家有整頭髮癖好，都有主動想識女仔。」問到可擔心兒子搞出「人命」，她笑言：「𠵱家太多誘惑，大人細路都要小心啲。」
採訪、攝影：林嘉慈
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！