內地發展商朗詩集團早前借殼深圳科技（106）上市，噚日以主席田明（圖）為首嘅一眾管理層專登喺中環一間六星級酒店搞個答謝交流會，本地傳媒唔多識得田總，當然早啲到場交換名片，但係大家換來換去都見唔到田總。
原來大家只係顧住同班西裝友換片，忽略咗一身便服打扮嘅田總。田總噚日着住卡其色斜布褲，襯深灰色Polo恤，外面加一件運動背心，點睇都似係去打高爾夫球，多過係一位準備喺六星級酒店介紹公司嘅老闆囉。田總解釋，公司一向唔搞繁文縟節嘢，希望可以輕鬆啲，公司亦唔會搞到金壁輝煌。佢又話公司作為內地綠色科技發展商，要為樓盤注入綠色元素做賣點，難怪老闆都要身體力行。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24