張家輝為新戲《激戰》操到一身朱古力肌，引起全城熱話，前晚在尖沙嘴舉行特別場，家輝請來一眾好友如曾志偉、吳君如、鍾鎮濤和范姜、杜德偉和太太、梁家輝、上山詩鈉及陳國熹等，先睹為快。
看完戲君如不停大讚家輝一身肌肉，記者笑問她覺得家輝正還是近日熱爆的「Cool魔」張智霖正？怎料君如反問：「邊個係Cool魔？」記者即解釋給君如知，獲悉後君如冷淡地說：「點解要比較，一個型男，一個係肌肉男，點比？」
一星期練四日
君如坦承受到家輝影響，現在努力keep弗：「佢好瘦時，啲人以為佢有病，但我覺得好正，講真我寧願似病都唔要肥，所以叫佢介紹教練畀我，我都想挑戰自己。」君如透露現在一星期有四日操練，希望操練到一身肌肉，但尚未成功，她直言想挑戰家輝，是否想拍女版《激戰》？君如直言：「都有啲㗎。」
但君如表示朋友叮囑她鍛煉要適量，陳可辛有否勸止？君如說：「佢好鼓勵我，我真係好勤力，好似入咗魔，背脊有棚骨，不過其實我真係有食嘢，好健康。」雖然君如拚命鍛煉，但她很愛惜身體，拍戲時不會次次親身上陣。
家輝坦言想知觀眾反應，打算稍後電影上映再如之前一樣喬裝入場，若票房好會否再騷朱古力肌？家輝稱：「唔知，不過睇咗都覺得係部有威脅性嘅戲。」君如受他影響狂鍛煉，家輝直言出乎意料。此外，家輝執導的新片《盂蘭神功》重拍華裔女學生藍可兒電梯內怪異行為，他說：「我起初冇乜意圖放入電影，後來編劇覺得OK，不過對藍嘅屋企人係傷心事，我唔想人誤會冒犯受傷嘅人，所以其實只係佔一小段。」
採訪：溫敏芝
攝影：陳俊強
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24