【本報訊】地產代理上街冇人理，與其聽天由命，唯有出招自救。政府推出BSD及DSD雙辣稅後，豪宅首當其衝，無論買賣及租務成交均大幅滑落。有豪宅代理為幫補佣金收入，將豪宅租賃佣金勁加一倍。
代理向業主及租客各收取月租的「半個月」租金作為佣金，行之已久。政府推出辣招打壓，代理惟有透過提高佣金收費等方法自救求存。昨有消息傳出，中原地產跑馬地有主管向員工發出通告，因政府辣招令物業市場成交萎縮，境外買家受BSD影響而絕迹本地市場，逼於無奈下，租賃業務由過往收取業主之半個月租金作為佣金，昨起改為一個月。以跑馬地禮頓山一單月租10萬元成交為例，業主原本只須付佣5萬元，現加至10萬元。
中原跑馬地高級營業董事蔡佩芳直言是逼不得已，現時跑馬地多達400名地產代理，但這區過去半年，平均每月買賣成交不足30宗，代理就快餓食。她又指，就算代理不加佣，豪宅死寂，好多樓都冇人租，不少業主都主動加佣至月租的一個月，甚至1.5個月。以禮頓山為例，過往租盤長期僅十多個，現多達40個，供應是屋苑入伙後新高。惟豪宅劈租都冇人租，如禮頓山一個實用面積1,461方呎單位，原叫租11萬元，即使劈租18.2%至9萬元，「放咗三個月都冇人睇樓」。
陳永傑：恐造成反效果
有代理認為，現時樓市已淡靜，生意難撈，代理加佣恐造成反效果，或令客戶流去收費較低的代理行，失競爭力。中原地產亞太區住宅部總裁陳永傑表示，加佣只是個別地區的商業策略，公司沒有指示阻止「收多啲」，但他坦言「你加佣，業主未必放盤畀你」。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24