謝婷婷昨日現身金鐘太古廣場，出席Geox鞋履活動，婷婷透露近日知道霆鋒傳出與周迅相戀的新聞，記者笑霆鋒有愛情滋潤，她笑言：「噚日先聽到，好似涉及好多party，自己都follow唔到，佢同發哥拍緊電影，我都成兩個月冇見，搬屋係事實，好多個月前搞緊。」
婷婷透露在活動見過周迅，又不停大讚她：「喺北京同香港見過，佢好有味道，把聲好靚，演技冇需要講，係無敵，身形細粒，一出聲有內涵學問。」婷婷透露不熟悉周迅，故此不知道二人性格能否夾到，她又大讚二人外形相襯。問婷婷拉姑有否八卦哥哥緋聞及可支持他有新戀情？她表示：「媽咪從來唔八卦，都係工作問候多，其他唔問，我覺得作為父母都希望有個伴錫阿哥，佢鍾意就得。」
掛念兩姪仔
問婷婷可知Lucas與Quintus何時返港，婷婷表示：「唔知，都好耐冇見好掛住，有時都係聽佢哋send過微信voice message，佢哋把聲係全世界最好聽嘅聲。」問到她可怕二人會移居加國？她表示：「唔怕，我可以飛去，父母應該有溝通，唔肯定，兩個小朋友健康、正常生活，加拿大係好地方。」
此外，婷婷的父母前日現身中環，婷婷在置地廣場等謝賢坐着勞斯萊斯座駕接送，而狄波拉則與丈夫鬍鬚Kong在ifc購物，她在連卡佛血拼有收穫，再行Tiffany。
採訪、攝影：林嘉慈、羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！