除畫功外，蔡志偉最欣賞早期《風雲》的說故事技巧，「一般漫畫唔會用咁多篇幅描述角色內心世界，點解呢個角色會變成咁樣，馬榮成會用好多篇幅慢慢鋪排。」他認為《風雲》第一部即頭百多期故事是無懈可擊的，「成個故事就好似一套電影咁慢慢發展，好流暢，無瑕疵。」故事先從聶風童年說起，交代他善良品性，然後着墨步驚雲的可憐身世如何造就他桀驁不馴的亦正亦邪性格，跟住帶出一代奸雄雄霸如何處心積累翦除風雲二人，師徒對決，最後雄霸敗走，天下會瓦解，當中的師徒情、兄弟情、愛情和友情，無一不發揮得淋漓盡致。
連載二十多年，更多次改編成電影與電視，最近馬榮成決定給《風雲》一個結局，以十二期單元故事交代各主要角色去向，蔡志偉這擁躉欣然接受，「我好贊成，唔想馬榮成俾《風雲》個框框限制住，廿五年嘞，乜才都無晒，技窮喇。」《風雲》發展至第二部時，他曾經想棄讀，「帝釋天出場一段拖得太長嘞。」又馬榮成試過加入新角色取代風雲二人，「但一跌書，又會請呢兩位老人再出場。」縱劇情偶有犯駁，角色死來死去也死不去，蔡志偉還是難捨難離，「因為習慣咗咯，而且係香港獨有，只有香港先能夠喺一兩星期內做出一期書，俾着日本可能要用一年時間，半年都出不到一本。」蔡志偉從事空運業，喜歡看，沒有動力畫，卻很懂得創作之道。《風雲》如何畫下去，才是心中最完美的？「馬Sir畫畫不是要迎合我們，而是要我們看他的東西。如果他要迎合我們作畫，書就會變得成一忽忽，佢係將我哋嘅口味畫出嚟。」
漫畫
畫板
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24