【本報訊】一顆助人的心，讓黃小玲走上視光師之路。這條路一走19年，她最開心是看到小朋友視力有改善，「視力係一世，覺得真係幫到佢哋」。多年來見盡奇難雜症，但最讓她頭痛的卻是說服家長。試過有媽媽死不相信兒子沒有「鬥雞眼」，也有媽媽不願接受兒子弱視，「有時說服家長比𠱁小朋友更需要耐性」。
記者：袁樂婷
黃小玲說︰「想幫人解決問題，但又唔係好見得血，最後揀咗讀視光學」。她理大畢業後便投身瑪麗醫院，最愛與年幼病人接觸，「小朋友畀你嘅互動好有趣，加上大部份病人每次覆診都有進步，好開心」。小朋友難免「扭計」，有病童一進房便不停嚎哭，「畀少少時間佢冷靜落嚟，慢慢習慣新環境，多數冇問題」。
應付家長卻是另一門學問，黃小玲憶述，曾有一位母親堅持兒子「鬥雞」，「唔係呢，真係喎，個個都係咁講，影相都睇到㗎！」結果黃在她面前為其兒子做了多個檢查，她才相信兒子其實只是鼻樑生得比較闊，造成錯覺。「家長好多時太緊張，往往認住仔女對眼有啲問題」。
8歲前為矯視黃金期
有人過於緊張，亦有人不願接受事實。她也遇過患嚴重弱視的4歲病人，一隻眼視力正常，另一隻眼視力卻只得一成，遠視達500度。其母深信兒子視力冇問題，黃花了很長時間解釋，家長才願意合作為兒子做遮眼訓練。經過3年治療，病人雖仍有遠視，但弱視眼已有顯著改善，雙眼均已回復至10成視力。她說，出生至8歲是矯正視力黃金期，及早發現問題有很大機會康復。
黃小玲補充，家長不時有謬誤，例如要求視光師為子女配度數較淺的眼鏡，以為可防止近視加深，「其實啱啱相反，配唔足度數深得仲快」。不過即使症狀有多棘手、或病人家屬的要求如何奇怪，她也會耐心解釋和治療，「因為視力係一世」。
截至去年12月，醫管局轄下有62名視光師，其中21人在家庭醫學部門，其餘41人則屬眼科，除一般視力檢查外，亦有視網膜掃描，及為白內障病人量度人工晶體長度及弧度等。年幼病人則由母嬰健康院轉介，交視光師跟進。
【動主播召喚敢你就來】
立即報名： http://anchor.nextmedia.com