美國女歌手Rihanna得閒都會返鄉下巴巴多斯探親，順道促進當地旅遊業。最近Rihanna同班死黨去咗巴巴多斯，參加當地為期8日嘅豐收節，幾日前佢已經玩到high晒，點知未夠皮噚日又嚟過，佢着到非常性感參加嘉年華。呢件露出度極高嘅閃石衫拋胸又晒腿，加埋對羽毛翼同其他飾物，整到Rihanna鬼火咁靚，當佢喺條街度踎低擺趷籮甫，可觀性十足，同香港成日見到啲人周街踎個款形成強烈對比！而當Rihanna走上架巡遊巴士，佢位同性好友好細心咁整理佢條小褲仔，加埋Rihanna呢個回眸晒籮樣，真係男人女人都俾佢電暈。既然係節日盛事，飲酒助興自然唔少得，Rihanna全程都拎住酒壺係咁隊，酒量驚人，蒲精當之無愧。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24