首次見芷君唇讀 媽媽好心痛

首次見芷君唇讀 媽媽好心痛

【本報訊】曾芷君記不起何時何事想到自創唇讀學習,笑說這舊事已無從稽考,但她媽媽仍揮不掉那畫面,第一次看見女兒用上唇輕觸點字,心傷透了,「點解你要咁樣?」這問題纏繞幾年後她終找到答案,芷君摘下三科5**佳績,教曉香港人甚麼叫堅毅不屈,「雖然係艱苦,但係我開心,其實我應該話好驕傲」。
那個問號曾經令曾媽媽幾近崩潰,痛心女兒強撐下去也苦無結果,「即使你可以讀到書,咁你點樣讀落去?自己嗰下真係好難接受」。芷君坦言,當時老師、朋友跟母親一樣難受,「冇一個能夠接受我用咁樣方法」。天生視障弱聽的她,相信總有辦法讓書讀下去,手部有觸感障礙,還有上唇可用,她笑說:「可唔可以叫天無絕人之路呢?」

芷君媽媽(右)一直陪伴女兒走過人生崎嶇路,無怨也無悔。

芷君(左)在謝師宴上跟班主任合照,兩人亦師亦友。

不放棄一定有機會

芷君跟媽媽一起拍攝港台節目《沒有牆的世界IV》,在鏡頭前也愛撒嬌,媽媽沒好氣,「唔係話,仲要我幫你」;有時又會很獨立,「媽咪借個位嚟煲水」。母親總是矛盾,擔心女兒做不來,又想放手讓她一試,「到中學階段我都好少幫佢,見佢做唔到,自己又會同佢做晒,但個心又想佢乜都自己做」。
謝師宴當晚,芷君穿上白色吊帶裙,老師拉她合照,同學為她介紹食物,「同學係我其中一個擴闊視野嘅途徑,佢哋接觸嘅嘢入俾我多好多,佢哋嘅分享令我認識好多新事物」。六年中學同窗,為芷君明燈引路;她苦學有成,也讓母親釋負開懷,「佢咁艱難都冇成日喊,亦冇呻,所以我都唔會再去怪啲乜、怨啲乜,陪佢一齊開心過」。
芷君說,父母親會靜靜在旁陪她溫書,「我知佢哋係默默支持我」。她說,每個人總會遇上困難,希望也能勇敢面對,「只有唔放棄,一定會有機會」。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange