【本報訊】周日旺角撐警察、聲討林老師的集會是否政治活動？當日曾站台發言、正展開退休前休假的警司劉達強昨在電台節目表示「當然唔係」，但同一節目內，監警會秘書長朱敏健則稱，「我覺得個性質係政治活動」，但朱補充，不能簡單地說逢政治活動便違反守則。下午則傳出一段標明「傳自劉達強」的WhatsApp短訊，批朱「未審先判」、「可否有人向他查問！」
港台節目《千禧年代》昨繼續討論事件，劉達強曾在家長聯會論壇上發言，其後投訴警察課收到336宗投訴。節目先播出劉當日的發言：「各位，我從來都唔搞政治，但係今日我唔出嚟唔得啦……」根據《警察通例》，警員應避免參與影響其公正執行職務的活動，尤其不能參與政治活動。
辯稱參加「簽名會」
劉昨日否認當日參與的是政治活動，「係一個家長會判研一個老師嘅簽名會」。「作為一個爸爸身份去睇一個咁嘅簽名會，我出席喺歷史上大家可證明同任何呢啲政治團體無關係，我個人認知唔係一個政治性活動，如果令到別人誤會，我係好無辜！」
他質疑，「喺人權法之下警察仲有冇發言權，或者警察仲有冇freedom of expression自由講嘢的權利，同埋人權剩低幾多？」本身是律師的人權監察副主席莊耀洸表示，警察當然有表達自由，但有較多限制，界線在《警察通例》中說明，即如果表達言論影響公眾對警隊中立的信心，動搖整個制度，實質或形象上有影響，都不恰當。
節目中，朱敏健表示，「我覺得個性質係政治活動，但不能簡單地說逢政治活動便違反守則，守則亦說明其言論必須影響警隊執法」。
有資深警務人員表示，《警察通例》限制警務人員參與政治活動，按他們的理解是不能參與助選工作、不能參與推動任何政黨發展的活動，「警隊係香港嘅last ressort，所以要保持中立」。但認為類似周日的一類集會，不是他們慣常理解的「政治活動」。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24