台灣仔「大牛」喺台灣都算係小天王，有自己嘅製作公司同員工，所以聽番台灣記者講佢喺當地都好大牌吓，唔係好放啲工作人員喺眼內，班幫佢手嘅人都冇辦法，鬼叫人哋紅咩！不過大牛將呢套嘢搬嚟香港，話說佢嚟香港宣傳演唱會，招呼佢嘅香港工作人員真係見識到佢嘅天王真面目，講嘢唔望人、經常黑口黑面、呼呼喝喝咁，仲有乜嘢唔滿意就大鬧，大牛真係當正自己喺香港都係天王，有部份冇有怕嘅工作人員都同佢頂到盡，激到大牛死死吓，好心你猛虎不及地頭蟲，何況你係牛唔係虎。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！