今日正式踏入農曆七月，網上瘋傳清水灣道驚現白色「人」影的片段，為鬼節打頭炮！究竟是真的？還是應節玩嘢？
記者：鄒倩婷
攝影：張柏基
動記者找來皓云師傅到現場兜一圈，從天橋看靈體出現的位置，試嘗拆解靈異之謎。師傅指現場車多，不算陰暗位，「呢度啲樹比較矮，朝早無瓦遮頭，很難聚陰氣，但係呢度會唔會發生過好多交通意外，導致有某一啲嘅怨靈停留喺度，亦不足為奇！」
其實沿著清水灣道向前駛，便到交通黑點新西貢公路，該處有「西貢長命斜」之稱，經常有司機超速導致意外頻生。最嚴重的一宗交通意外發生在08年，一輛旅遊巴在新西貢公路失控，直撼迴旋處，造成19人死亡。
不過，師傅指拍攝到靈體的地方與迴旋處有段距離，兩者未必相關，還質疑片中的不像靈體！皓云放大拍到靈體的畫面，叫記者留意兩手旁邊的位置，「見唔見到呢兩邊，佢係暗咗，即係話車頭燈射落去，因為一個實體擋住咗光而導致後邊位冇光！」師傅還指靈體不會如此黑白分明，所以十分質疑！
其實所謂撞鬼，很多時是自己嚇自己，去年油麻地彌敦道便驚現人頭，細看才發現是膠公仔頭，不過仍有司機嚇得扭軚撞上一輛的士，幸好沒有人受傷！
【動主播召喚 敢你就來】
立即報名： http://anchor.nextmedia.com