網絡巴打流行用「膠」字來形容荒謬之事；今屆轉會市場多宗潛在轉會交易，其實亦應叫做轉會「膠」易。當中的「膠」中之最，暫時我會首選加里夫巴利的1億鎊世紀轉會。
有球迷疾呼：「1億鎊買個球員？買1億磅麵粉好過啦！」其實除咗買麵粉，1億鎊真係可以做好多嘢：以今季轉會市場成交計，假設用一半，即約5,000萬鎊，已可買幾位當家球星，如尼格度（2,000萬鎊）、荷西保連奴（1,700萬鎊）加泰維斯（1,200萬鎊）；再免費簽入舒華沙、高路托尼、耶耶辛洛高；剩下5,000萬鎊買多10個身價500萬鎊以下的年輕球員，一隊波，就這樣砌成了，分分鐘有得爭前6踢歐洲賽！一個加里夫巴利，可以抵上一隊波嗎？再者，當年C朗以8,000萬鎊轉投皇家馬德里，已證明是單季可轟入42球的球星；加里夫巴利雖勁，卻好像還未到這瘋狂級數。為破轉會費紀錄而破，未知當中經紀可以肚滿腸肥到甚麼地步？
另一「膠易」是車仔想買朗尼，據聞將出到4,000萬鎊。一來車仔已試過高價搶購敵會前鋒費托，最終卻成效不佳的例子；二來現在車仔陣容除費托，還有丹巴巴亞、域陀摩西斯、舒賀爾尼等多位前鋒，搶購朗尼目的似為挫曼聯銳氣大於實際作用。
到底1億鎊貴啲，定1億磅麵粉貴啲？正路應該係１億鎊貴啲；咁如果將１億鎊真係買晒麵粉，送去非洲等貧窮國家，會否比買一位球星更具意義？
方柏翹
now足球評述員
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24