貝安琪、莊思敏、陳爽及Rosemary等，前晚在九展出席電影《獨行俠》首映禮，貝安琪對於被內地導演劉浩看中，有意邀請演出電影《藍可兒》，她表示暫未收到劇本及試鏡，只知導演有接洽過其經理人，她說：「我都有興趣（演出），要睇邊個性格啱個角色就邊個演。」她不擔心被指發死人財，她說：「I don't think so，可能好多人有呢個問題（覺得發死人財）。」她指內容會轉一轉，並不會對死者不敬，她亦欣賞另一位候選演員高圓圓才華，望有機會合作。
莊思敏唔抗拒影裸照
莊思敏希望張暖雅裸照事件盡快平息，非法發放裸照者早日被繩之於法，她本身不愛翻看舊照，故沒興趣影裸照留念，問到男友可曾要求拍裸照？她沒正面回答說：「情到濃時唔排除男友會有咁嘅要求，自己亦唔太抗拒，但一定要自己留起批相。」
採訪、攝影：文國駿
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！