沈震軒和龔嘉欣近日爆緋聞，二人被影到拍拖逛超巿掃貨，沈震軒昨日在電話訪問中自爆好dry恨拍拖，並大讚龔嘉欣夠爽朗，符合擇偶條件。
但沈震軒否認跟龔嘉欣拍拖，他說：「我哋普通朋友啫，但咁啱大家都鍾意煮嘢食，嗰日咁啱咪一齊去買嘢。」報道指沈震軒和龔嘉欣發現被偷拍後，打消煮飯仔大計，他說：「我哋有講過搵日一齊煮嘢食，我聽講佢煮雞翼好拿手，都想試吓。」問到二人有發展空間嗎？沈震軒說：「我想拍拖，但太忙啦。」龔嘉欣卻不夾口供，她昨日在電話中說：「我唔知話約煮嘢食喎，暫時唔想拍拖，我想做緋聞絕緣體。」
鄧健泓視如家人
此外，鄧健泓前晚到紅磡看舞台劇，提到舊愛龔嘉欣撞車，但發現車是鄧健泓所登記，他說：「我當佢好似屋企人咁，盡我能力去幫佢。」
採訪、攝影：張俊銘
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！