囤地醜聞越描越黑，但陳謬波堅拒辭職，唔少官場中人慨嘆吹佢唔脹，謬波仕途事小，政府施政事大，喺佢領導下嘅發展局仲可以有乜嘢作為？相信大家心中有數。既然謬波賴死唔走，官場中人惟有幫手諗諗，點樣移形換影幫佢調一調位，化解呢啲施政矛盾，最新版本音樂椅遊戲係謬波若果同政制及內地事務局局長譚志源調位，咁樣做就最冇閉翳。
官場中人流傳，唔少人最近熱推譚志源掌發展局。哇！乜譚志源喺官場好多仇家咩，邊個咁大整蠱要佢去呢個三煞位呀？有支持呢個方案嘅官場中人話，政務官出身嘅譚志源冇乜資產兼唔多投資，相信搞收地或起樓都冇乜利益衝突，而AO向來標榜通才，大家唔使擔心譚志源嘅能力，仲話本身係會計師嘅謬波都冇相關工作經驗箒。
幫中聯辦手 勝在務虛
咁點解謬波又啱去做政制局，唔通唔驚佢搞禍政改方案？查實大家真係唔使擔心喎，事關𠵱家領導政改討論嘅，根本已經係中聯辦主任張曉明，梁班子都係幫手搞幾場騷做諮詢箒。橫掂政制局個位冇乜嘢做，最啱放謬波落去「務虛」，至少唔使擔心再有乜嘢利益衝突。呢個轉位方案成事機會唔易評估，但八方相信單單流傳呢個版本，已經嚇到譚志源腳震。
mailto:[email protected]
【動主播召喚敢你就來】
立即報名： http://anchor.nextmedia.com