唔知點解好多奀星鍾意扮巨星，無時無刻擺巨星款，反而真係巨星嘅就唔會咁，好似發哥咁，喺街俾人要求合照簽名都有求必應，永冇架子。好似「霉妹文」唱歌多年，一直半紅不黑，其實係有原因嘅，關仁聽講有次夜晚有個同佢住同一個屋苑嘅記者返屋企，咁啱撞到佢，霉妹文就以為個記者跟蹤佢，即刻睥到行，平時啲記者都唔多問霉妹文嘅，真係有狗仔跟有新聞價值應該飲得杯落啦。相反，影帝「電眼」有次喺診所睇醫生亦撞到個唔太熟嘅記者，電眼不但冇懷疑人哋跟蹤佢，仲同個記者等醫生時吹水成粒鐘，咁有人緣至係巨星嘛！
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！