一位老師一句粗口搞到幾千人逼喺旺角對罵，香港幾時開始變成咁？首富李嘉誠又打算賣百佳，疑似撤資，佔領中環又如箭在弦，本月業績高𥧌期，「點睇佔中」、「會否撤資」應該係重磅上市公司高層兩大必答題。
匯恒噚日公佈業績，匯豐亞太區行政總裁王冬勝同恒生（011）一姐李慧敏（Rose），就分別俾人問到以上兩條問題，答案當然標準。
論接班照交行貨
王冬勝唔止話唔見有客撤資，仲話一直都有外國同大陸公司來港投資，證明香港嘅營商環境好理想。Rose對於佔中就No Comment。
唔止佔中，Rose對於繼任人選亦三緘其口。恒生前一姐梁高美懿舊年退休，由同齡嘅李慧敏頂上，話咁快，Rose差唔多做咗一半任期，大家開始關注佢搵人接班未？佢又係行貨咁話，冇特別揀一個接班人去培訓，要培訓成個團隊喎。
【動主播召喚 敢你就來】
立即報名： http://anchor.nextmedia.com