吳千語昨日在葵芳出席玩具娃娃Blythe主題的活動，千語BB穿了一件薄紗裙，更透視玉背，罕有性感，她亦笑言：「今日露背好性感，件衫都算過到自己，唔使問男友（林峯）意見。」問到會否再接受更性感尺度如低胸裝或行泳衣騷？她表示：「唔知，睇場合，之前影相都試過低胸，但出活動就會驚走光。」
提到早前與岑麗香、苟芸慧齊齊在活動走光露底，千語BB解釋：「當時大家影到嘅，係撳住嘅裙邊，唔係打底褲之類嘅物體，上台前我都有同香香講擔心會走光，其實都幾尷尬，因為之後朋友都有sent番啲相畀我睇。」
千語BB透露有收藏限量版洋娃娃，問到會否叫男友買，她說：「唔使要佢買，男仔鍾意嘅係第二啲，好似啲漫畫人物咁，其實自己冇乜收藏、儲物嘅習慣，鍾意睇同送畀人多過自己買。」
採訪：譚倩宜
攝影：陳順禎
【動主播召喚 敢你就來】
立即報名： http://anchor.nextmedia.com