相識十多年的好兄弟Sam Yuen及Mike Ko，三年前花的400元，不但成功將他們帶離打工仔的生涯，更打造出本港節目資訊平台龍頭Timable。公司成立至今，未曾蝕過一分一毫，兩人更可月月出糧，以創業家來說，成績已算有所交代。
「揀嘢食上Openrice，搵節目要上Timable。」Sam及Mike早年分別於物流及電訊業打滾，收工後發現「冇地方hea」，亦難以找到香港節目資訊，於是兩人於2010年集資400大元，成立網頁，以兼職形式經營。Sam表示，網頁初期非常簡陋，但月均瀏覽量已達20至30萬。透過廣告收入，網頁成立兩至三個月，已錄正現金流。
其後，Yahoo看好Timable的潛力，主動提出合作。獲強勁合作夥伴支持，Sam及Mike去年4月更盡地一煲，辭職瞓身搞Timable。Sam回想起公司成立之初，「我當時不斷聽《陀飛輪》，加大創業嘅動力。」
至今公司客戶包括西九文化區、麥當勞、LCX等。Mike透露，目前公司月賺五位數，料盈利按年雙位數增長不是問題，但目標首兩年盈利每年翻一番。
【動主播召喚 敢你就來】
立即報名： http://anchor.nextmedia.com