【本報訊】一聲聲「What the Fuck」，觸發約3,000人怒罵旺角街頭。寶血會培靈學校教師林慧思上月不滿警方偏幫青年關愛協會打壓法輪功，仗義執言，卻遭兩大警察協會譴責及左派團體抹黑。建制派昨在旺角集會「批鬥」林老師，惹來大批市民聲討，及後演變成互罵，警方最少拘捕兩男一女。發起論壇的香港家長聯會會長李偲嫣侮辱林慧思「有病」，應向精神科醫生求診。
記者：王家文 馬志剛 吳嘉羚 張婷婷
昨午二時約3,000人逼爆旺角西洋菜街，「What the Fuck」聲音響徹行人專用區，力撐林慧思和支持警方執法的兩大陣營互相對罵，粗口盡出；有人甚至動手推撞，需由警方分隔。
警方架起鐵馬實施人潮管制，多間商店更落半閘避開示威人潮。由香港行動和香港家長聯會合辦的「支持警隊嚴正執法」街頭論壇，在「噓」聲中開始。有市民帶同女兒上街力撐林老師，「為公義發聲，不平則鳴，係義之所為」。
市民：佢幫我哋抱不平
民情洶湧，香港家長聯會會長李偲嫣不斷挑機：「我喺香港幾十年，第一次（見）香港嘅男人淨係識得蝦女人」、「呢度啲家長，你哋係咪返去用粗口教你啲仔女，我相信可能係啦。」她批評示威市民無理取鬧，「原來林慧思講粗口係跟你哋」，喊打喊殺：「我預咗死㗎喇，你哋實有人走出嚟殺我。」
李偲嫣否認論壇是批判大會，「我哋唔係蝦林慧思，係佢蝦我哋同香港警察」，更指摘林「有病」、「佢情緒失控」，應向醫生求診。口講粗鄙文化要遠離校園的李偲嫣面對千人叫喊：「呃人政黨，收皮啦。」
人民力量、熱血公民、調理農務蘭花系等多個團體昨午已在西洋菜街擺街站聲援林慧思。
香港行動和香港家長聯會到場設論壇時，因講台霸佔行人專用區兩條車路，惹起途人不滿。論壇未開始已遭多人佔領講台，高呼「我係香港人，守衞香港」，有示威男子被警方拉下台。
市民黃先生昨帶同4歲女兒聲援林慧思，「我同個囡講，佢係幫我哋抱不平，但被人抹黑，所以我哋出嚟支持佢」。他批評警察兩個協會先後出聲明是刻意放大林慧思「講粗口」，做法可恥。另一市民黃先生也直言：「將一個人講粗口上綱上線，批鬥一個老師，係好悲哀嘅一件事，如果冇人撐佢，香港就死。」
論壇上有多名愛港之聲成員站台及維持秩序，其主席高達斌也有現身，僅稱支持警方執法；而愛港力量則在論壇旁設街站，其召集人陳淨心也獲邀站台，惹來台下叫罵：「踢走愛港力」。
整日共兩男一女被捕
論壇舉行不足一小時腰斬，李偲嫣在警方護送下離開。不過人群仍不肯離開，更演變成全民罵戰，直到黃昏。有年輕人呼喊：「香港係要有民主」，即遭警方支持者包圍，並大罵「X你老母」、「廢青」；有市民不滿警方助紂為虐，直斥「懦夫」。EETV網上電台創辦人林依麗昨日到場採訪時，遭一名男子大罵「X你老母」，聲稱被咪高峯撞到，林依麗反駁被該男子推撞，雙方被警方以普通襲擊罪帶返警署，後來和解。論壇舉行期間，警察屈人搶槍、市民上台搶咪、疑似便衣打途人，警方以涉在公眾地方行為不檢及普通襲擊罪，拘捕一名潘姓28歲上台踩場男子，整日共兩男一女被捕。
旺角警區署理指揮官曾艷霜表示，主辦單位有申請在集會時設講台，警方評估後發出不反對通知書，但現場所見講台面積跟申請時有出入，已發勸喻。
市民力撐
袁小姐（中五學生）
「佢（林慧思）冇做錯，我哋有言論自由，佢都係講自己意見，警察態度都好惡劣話要檢控佢。」
蔡先生 （退休人士）
「宗教自由係香港核心價值，我唔係支持法輪功，但見到青乜會遮晒法輪功啲橫額，係抹煞言論自由。」
藝人聲援
黃秋生
「家長聯會要求粗鄙文化遠離校園為由針對林老師，首先粗鄙遠離校園都冇用，因為粗鄙就喺佢哋身邊。」
杜汶澤
「What the Fuck！唔好再拗喇！如果當日包圍法輪功嘅人，唔係關青（青關），係黑社會，一早已經俾人拉晒！」
抹黑言論
•香港家長聯會會長李偲嫣
「佢（林慧思）應該接受治療，因為佢情緒失控，其實問啲精神科醫生，佢突然係咁，係精神有少少失控……佢身體唔好，情緒就失控咗少少，既然佢真係唔舒服，佢可以睇醫生。」
•退休警司劉達強
「林老師喺訪問入面楚楚可憐話佢有信仰，我想話畀你聽，每一日入荔枝角監房都有好多唔同嘅教徒。」
•愛港力量召集人陳淨心
「支持警方，嚴正執法」
資料來源：以下人士
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24