昨晚播第五集《星夢傳奇》，話主題係要挑戰者表現信心，其實係表達心聲囉。
好似羅鈞滿唱《摘星》嗰句「我要為我自豪 我要摘星 不作俘虜」，仲有陳明恩首《上帝早已預備》嘅「上帝早已預備 至少我不被遺棄」，仲唔係唱緊自己嘅心底話?
不過王君馨唱嗰句「Why is everybody so serious」（為甚麼大家都這麼嚴肅），就係唱緊網民嘅心聲囉。網民是咁話:「以為人哋冇聽過呢首歌」同埋「好難聽」
唉!你吹佢唔脹喎，Miss Chan Chan讚佢有潛質，有個好老師 仲好咁話呀。
其實講咁多分數先係最緊要，處女馨高分過band仔張明偉2.2分架。呢集張明偉超班低分，foul咗喇！！！
唉！冇計啦，佢又冇神級弘咁得評判心，唱到佢哋起晒身，全晚最高分，有185.6分。
又冇新挑戰者TVB8主持姚兵嘅坎坷身世唱《你把我灌醉》，搞到倫永亮堅係醉。
更加冇林子博咁疊馬，同事、老友、屋企人都有到場撐佢。氣氛真係好感人！
下集玩PK賽，呢啲溫馨場面，可能好似恐龍咁，絕跡㗎喇。
【動主播召喚敢你就來】
立即報名： http://anchor.nextmedia.com