港交所（388）展覽廳聽日何止星光熠熠，簡直係猛人如雲。事關港交所將於聽朝開市前舉行一個H股上市20周年嘅慶祝儀式，當年中港兩地有份為H股來港上市制訂遊戲規則嘅一班財金猛人齊出席，包括82歲嘅中國證監會首任主席劉鴻儒，同埋積極推動此事嘅前聯交所主席李業廣。
李業廣 劉鴻儒 將出席
H股來港上市閒過立秋，八、九十後股民就未必知道1992年，中港兩地共有11位巨頭，組成兩個工作小組，花上大半年時間去設計整個遊戲規則，最後得到中央拍板，讓首隻H股青島啤酒（168）1993年7月成功在港上市。
呢11位巨頭，香港方面有6位，包括李業廣、前聯交所副主席吳樹熾、前CEO周文耀、前理事趙志錩、梁定邦、財務專家李禮文。內地5位代表就有劉鴻儒及4位官員同教授。
當年幾位跟住劉鴻儒喺中證監工作，落手落腳辦事嘅幾位下屬，今日都喺內地金融市場獨當一面，大家最熟嘅，應該係前中投副總經理汪建熙、中國證券金融公司總經理聶慶平。如無意外，劉、汪、聶三人聽日都會出席慶祝儀式。
H股對於本港新股市場的確居功至偉，除咗幫到交易所，亦為投資銀行、會計師、律師帶來大量生意。1993年H股第一年來港上市，集資總額不足百億元，及至2006年高𥧌期，集資總額超過2,000億元。雖然唔少優質H股已經上市，加上市況唔多掂，令到近年H股新股稍為褪色，但路係由人行出來，總有路行嘅。
李華華
mailto:[email protected]
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24