「香港人總係貪隔籬飯香，甚麼都覺得外國牌子比較優勝，其實外國眼鏡款唔係太適合香港人戴，因為鼻唔夠高，難戴得Fit。」本地眼鏡品牌新貴Big Horn主腦人Kelvin讀MBA出身，跟過意大利眼鏡設計師學藝，又做過飛機Engineering，百足咁多爪，亦懂得港牌可取之處。讀過MBA自然對數據分析和Marketing Research更有心得。「品牌實際上是2011年才創立，今年初才真正在市場上推出第一副眼鏡。我最初設計了好多Samples，不斷拿去問不同人的意見，得到的反應係『唔夠靚、唔夠特別喎！』。朋友建議我不如設計一些比較誇張的精品眼鏡，戴了不會易同別人撞款。雖然實際上未必好多人會戴，但係好多人會因為副眼鏡而被吸引入店，而且好多明星藝人都好需要呢類型眼鏡登台出鏡。收集了他們的意見之後，我現在設計太陽眼鏡的方向比較着重款式多於實用性，而光學眼鏡就比較踏實一點，算是滿足不同大眾的需求。」
向女鞋取經
本身是四眼一族，Kelvin對眼鏡的舒適度自然特別執着。私底下，Kelvin戴的眼鏡款都是黑框為主，我笑他，跟他設計的精品眼鏡好像是兩碼子的事，現實生活中真的會撐自己設計嗎？「會，我通常會因應場合來選太陽眼鏡款式，玩嘢款留番去Party戴，平日多數都係戴有少少Details的款。坦白說，實用性的眼鏡唔會有太多變化，反而會花多點心機在細節方面。好像最新的窩釘系列，其靈感就是來自女裝鞋，因這幾季好多鞋類都用窩釘來裝飾，咪即管試吓應用在眼鏡上。」事實證明要做一盤生意，不能閉門造車。
Big Horn
http://www.noveltylane.com/en/products/boutiques/big_horn
【動主播召喚 敢你就來】
立即報名： http://anchor.nextmedia.com