強國讓Samantha羨慕的事不多，但一定包括地鐵車費，市民最受惠，無論去到邊只需2蚊（人民幣．下同），北京地鐵已有六年維持呢個票價，羨煞一眾香港打工仔。家陣搵工除了睇前景之餘，都要睇車錢，搭車唔同食飯，唔係唔食呢間可揀第二間，如果車費貴到冇錢食飯，幾有前景都只可嘆緣份未到。
車費高昂影響打工仔的流動性，車費太平則影響公司的競爭力，北京「平絕全國」的車費大獲好評，但涉及政府每年100億元大額補貼，近月已有不少聲音要求上調車費。
另外，發改委已醞釀推出全國鐵路運費改革，包括將鐵路貨運價格隨公路運費作調整機制，以增加收入，廣深鐵路（525）將會受惠。
廣深鐵從事鐵路客貨運運輸，亦會做列車和車站內銷售食品及飲料的相關業務，受累於成本上升，和廣深港高鐵廣深段分薄客源，令舊年純利倒退27%，但券商瑞信發報告力撐，若運費能成功上調，該股將成主要受惠者，因公司有33%收入來自長途鐵路，料每公里加0.01元可帶動純利增加11%。
受消息帶動，上周股價終於突破下降通道，有望隨其他鐵路股一齊炒上。
Samantha
本欄逢周一、三、五刊出
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24