【公司專訪】
面對主要客戶蘋果iPhone手機銷售增長放緩等危機，熱炒「蘋果概念」超過兩年的手機微型音箱供應商瑞聲科技（2018）仍對前景充滿信心。瑞聲執行董事莫祖權表示，集團未來增長動力在韓國及內地，「對手攞到我哋客嘅單，我哋都一樣攞到人哋嘅單。」
記者：陳新政
莫祖權接受問訪時表示，雖然面臨「蘋果危機」，但相信公司業務仍能保持增長。莫祖權指，瑞聲未來的增長動力主要有兩個因素，首先在主要業務動圈聲學零件會因應客戶而調整策略，儘管蘋果智能手機出現增長放緩及毛利率下跌，但由於集團市場佔有率仍較高，議價能力強，故客戶不會太過壓價，而且因為行業環境因素，即使其中一個客戶定單少，但可憑另一客戶補上。
韓國佔收入達雙位數
他說：「初初揀好嘅配件，就會全部用晒你嘅供應，但只係初頭，慢慢個客為咗減低風險，零件唔會淨係搵一個供應商，不過唔係壞事，因為對手攞到我哋客嘅單，我哋都一樣攞到人哋嘅單。」瑞聲自去年宣佈取得韓國大型電子產品客戶定單後，市場就估計該名客戶就是熱賣Galaxy系列手機的三星。莫祖權以為客戶保密為由，沒作出解釋。
根據多間大行去年估計，韓國市場佔瑞聲收入僅得低單位數，不過，莫祖權透露，直到今年首季，韓國客佔整體收入佔比已達雙位數，同期瑞聲收入亦勁升59.72%至19.02億元人民幣。
受惠內地手機品牌崛起
除了食盡蘋果及三星「兩家茶飯」，莫祖權亦認為中國手機品牌興起，亦是瑞聲的商機，他說：「以前中國手機對聲學嘅要求唔高，但為咗衝出國際市場，對零件要求高咗，除咗貴價手機，中價手機都開始用啲哋嘅零件，同時中國智能手機銷量係以高速增長緊。」中國市場佔瑞聲今季收入14%。
除了繼續擴大客戶群外，瑞聲未來另一個增長動力將來自集團由零件供應商「升呢」成為光學及無線技術設備商。莫祖權表示，集團早於兩年前已鋪路準備發展光學、及無線技術解決方案等非聲學業務，期望3年內將該業務收入佔總收入比重，由目前約5%增至約40%。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24