（喜）「神奇隊長」謝拉特（圖），已經成為利物浦嘅icon，上周六紅軍為咗表揚謝四效力第15周年，舉行咗一場紀念賽，對手係希臘嘅奧林比亞高斯，謝四老婆居倫固然盛裝赴會，仲帶埋3個囡囡出場，認真溫馨。前利物浦球員懷斯坐喺觀眾席，仲邊睇波邊同女伴錫咀。講番場波，紅軍亦憑祖阿倫及佐敦軒達臣各建一功，以2:0擊敗客隊，取得季前賽5連勝。不過外界始終關心蘇亞雷斯去留多啲，紅軍領隊羅渣士就話，賣阿蘇都得，轉會費就要1億鎊，因為阿蘇同加里夫巴利都一樣咁勁；唉！唔單止愛情，原來為咗隊波，有時領隊都好盲目。
【動主播召喚 敢你就來】
立即報名： http://anchor.nextmedia.com