早前被揭上任不足一年就頻頻外訪，開支高達過百萬嘅教育局局長吳得掂，雖然堅持外訪有需要，又話公帑用得其所，但佢噚日就「鬼拍後尾枕」，「自爆」外訪根本係「放假」。事關啱啱「外訪」完畢嘅佢，噚日出席一個活動時被問到，教育局至今有冇收到相關林慧思嘅投訴時，竟然話自己啱啱放完假，要向同事了解。
吓，政府新聞處明明話局長係去新加坡同墨爾本，了解兩地嘅幼稚園教育同師資培訓問題㗎喎；hea住外訪又真係似放假㗎，估唔到吳得掂咁「坦白」喎。八方相信，佢嘅新聞秘書當時聽到標汗，難怪其後高調澄清局長只係外訪唔係休假啦。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24