以前啲人成日夢想40歲後搵夠嘆世界，但原來呢個想法out晒！美國最新調查發現，越有錢嘅人就越難退休，部份原因係有錢人通常係生意人，怕公司冇咗佢哋唔掂，最重要係，佢哋好享受工作，擔心退休日子仲難捱。
四叔超人有辦你睇
其實使乜做調查吖，齋睇本港地產大孖沙都知，年過80都永不言休啦。恒基地產（012）主席李兆基、長實（001）主席李嘉誠同埋嘉華國際（173）主席呂志和，三位都80幾歲，全部都話冇諗過退休，佢哋唔退，後生些少嘅大孖沙更加唔會退。所以話呢，唔使睇調查都知有錢佬唔鍾意退休。
而呢個調查就話，15%年均收入達75萬美元或以上（約585萬港元）嘅富貴一族，冇諗過退休。即使有超過三成富豪話有退休計劃，佢哋都係諗住過咗70歲先至唔撈。相反，年均收入僅10萬美元（約78萬港元）或以下嘅打工仔，大部份希望做到65歲就夠，叠埋心水享受退休生活。佢哋應該係捱得辛苦，主觀願望想盡早脫苦海啫。
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24