愛字堆人多勢眾，每次喺網上吹雞都一呼百應，究竟佢哋呢種聲勢是怎樣煉成呢？識得無限分身，或者係佢哋可以喺短期內急速擴張嘅其中一個秘訣。點解咁講？你睇吓愛字堆首腦高達斌，佢喺一個簽名活動嘅作風，就會明白佢哋點解會咁叠馬。
話說喺噚日支持警隊嚴正執法，要求粗鄙文化遠離校園嘅簽名活動上，有網民發現咗，張簽名紙有個高達斌嘅中文簽名，下邊嗰欄係Patrick Ko嘅英文簽名。有心水清網民醒起，高達斌個英文名咪係叫Patrick Ko囉。中文名當一個市民簽名，英文名又當係另一個市民簽名，咁一個人就可以變出兩個簽名，又真係好過種票喎。
【動主播召喚 敢你就來】
立即報名： http://anchor.nextmedia.com