雖然香港大球場未知係咪要重鋪草地，但足總噚日仍公佈港甲上半季賽程，聯賽定咗今個月30號開鑼，揭幕戰由太陽飛馬對愉園，而衞冕嘅南華暫定喺大球場迎戰南區，呢場算係首周（見附表）最矚目賽事。
港甲今季增至12隊，聯賽每輪要踢6場，上半季周末好多時同日踢3場，當中兩場同時開波，而上季冠、亞軍南華同傑志季初惡戰連場，前者先對南區，再對飛馬同傑志，而後者撼東方外，仲要應付亞協盃8強兩回合，認真唔易啃！
上季初上甲組就得第4嘅南區噚日拜神（圖），高層祈求今季繼續進步；主席陳文俊話今季搵到皇室水療贊助，加上贊助商見球隊好成績決定加碼，班費650至700萬元左右；而主場香港仔運動場因重鋪草地，要到9月尾先踢第一場主場。
【動主播召喚 敢你就來】
立即報名： http://anchor.nextmedia.com