近期努力北上搵錢的阿Ron坦言十分享受目前生活，有指他早前豪氣購入千萬豪宅，他坦承是買來自住，並說：「其實都入行十幾年，自己一直都好努力工作，𠵱家都可以算係小小嘅收成期，都想屋企人住得舒服啲。」阿Ron表示內地有內地拍劇的好，在無綫拍劇亦同樣有得着，故年尾會為無綫開劇，他說：「嚟緊會返TVB拍劇，唔可能一直都喺外面拍劇，雖然出面會比較舒服，休息時間比較夠，但係始終我係TVB出身，先有𠵱家嘅回報。」
對於有指無綫明年會規定有時間供演員休息及有足夠的劇本才開拍，他說：「係就當然好啦！如果公司有時間畀演員休息，拍出嚟都醒神好多，以前有四個鐘都已經好滿足，總之對大家都會有得着。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！