在事業上雖然翠如暫佔上風，嘉琪仍在默默耕耘，唯一可以肯定是在娛樂圈維繫多年情不變的感覺，就是背後的一個共同承諾，嘉琪一臉認真說：「好多年前我哋講過，無論大家去到乜嘢位，我哋都要記得曾經經歷過嘅事。」翠如起初笑着回答：「聽到都打冷震喎。」她接着感觸說：「無論再難聽都好，覺得大家有改變，要同對方講同分享，大家所接觸嘅位，都會有難過嘅地方，嘉琪係我唯一嘅窗口，我一定要同佢呻，而過程中會知大家背後係點，互相撐大家。」語畢兩人流露一致互相信任的表情和眼光。在二人心目中，過眼雲煙的名與利，遠比不上患難見真情的友誼。
服裝提供：Sinequanone（黃翠如）、Twenty sixty eight/2068（梁嘉琪）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！