【天后】被「肥佬黎」黎智英喺《亂噏24》裏面狂數鬧佢自私，拍一部戲要拍成五、六年嘅王家衛導演，前日下晝4點幾同太太喺自己公司天后附近一帶搵嘢食。平時墨鏡不離身嘅王家衛一改形象，以一副透光近視鏡現身，佢哋最後幫襯圈中人林子善有份投資嘅龍鳳餐廳。王家衛兩公婆只係叫咗一份茶餐，你一啖我一啖咁不知幾溫馨，食完埋單王導演喺門口伸懶腰，肚腩即時現形，之後兩公婆手拖手徒步行返公司。
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！