無綫劇集《網中人》在79年播出後，成功將廖偉雄塑造成「阿燦」這個內地新移民角色，自此阿燦等同內地人，相當於現在大家口中的強國人，眼見近年中港矛盾日深，阿燦決定與好友黎文卓合拍新片《快活傳奇》，望可舒緩中港高漲的情緒。
阿燦昨日與太太、25歲囝囝廖俊賢在尖沙嘴舉行回流香港記者會，並透露已找到投資者投放千二萬元製作，由他飾演「快活哥」，以內地人在港奮鬥史作藍本。
趕拍參加金像獎
阿燦說：「好多大圈（指內地人）成功咗，喺香港有唔同建樹，我希望將呢段歷史反映出嚟，將佢哋奮鬥過程傳遞畀香港市民。」阿燦謂望此片可趕及年底上映，參加明年香港電影金像獎頒獎禮。
《快》片監製兼編劇黎文卓透露電影背景由70年代到現在，提到中港矛盾，他認為年輕一代不太了解過去，將所有內地人一視同仁：「70年代俾我哋叫做阿燦嗰啲，𠵱家咪係香港人囉，佢哋一樣買豪宅、做生意，我哋要話畀新一代知，冇呢班人就冇香港80、90年代經濟起飛。」阿燦又計劃出書《有機人生》，並成立「葵花基金」，協助年輕人搵出路、理想。
採訪、攝影：黃曉妍
五六年拍一部戲？講到嬲嬲哋，肥佬黎教王家衛拍戲！
想睇今周足本《亂噏24》？蘋果網站動Live預埋你。
http://bit.ly/appletalk24