前晚(8月1日)第14集《衝上雲霄II》，Sam哥借Summer耳朵，向Zoe道歉，之前仲以為Sam哥係因為Zoe離世時，唔係喺佢身邊，所以內疚，想向Zoe尋求原諒，但原來，件事唔係咁簡單。
噚晚《衝上II》眾主角包括Sam哥、Captain Cool張智霖同江美儀等搞飯局，席上Sam哥爆料，原來成件事唔係咁簡單！Sam哥話:「你以為咁就揭曉，其實唔係咁簡單，我都唔明啲編劇點解要寫啲咁嘅嘢，點解要食蛋糕、到在機場(即Zoe向Holiday交代遺言，之後被送上白車那一幕)，其實係因為觀眾唔知前因後果，同埋一個大啲嘅秘密，同Zoe過去嘅幾年，可能有十分、八分鐘一次過表現晒出嚟。」問Sam哥屆時觀眾要唔要帶定紙巾？佢話:「唔知㗎喎!毛巾啦不如，我驚到時做到over咗，我死㗎喇!」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！