繼內地乳牛張暖雅的裸照流出後，𡃁模組合AD2成員Amy（艾美琦）前日自稱被灌醉後遭人拍裸照，昨日她在另一成員Aily（吳婕妤）陪同下到黃大仙警署報案。Amy講述今年5月在佛山拍寫真時被拍裸照經過說：「當晚我哋同國內珠寶贊助商食飯，對方邀請我飲酒，結果我飲到昏迷，好多人扶我哋返房休息。當時我神志不清，期間Aily醒咗，聽到好多男仔聲同相機快門聲，但對方一見Aily醒咗就離場。」
稱沒有被性侵犯
Aily指醒後見到三個男人，一個手持相機，一個是前經理人，由於她很快醉醒才揭發事件並阻止。Amy說：「呢件事後諗過自殺，但怕公開後又被尋仇！」為何現在才報警？Amy說：「噚日我哋上梁思浩節目唔小心講出嚟，思浩叫我哋勇敢面對，唔可以俾呢啲人覺得我哋新入行嘅女仔好易恰，所以報警。」
Amy表示沒有被性侵犯，也沒見過自己的裸照，但Aily肯定的說：「肯定影咗，Amy件衫俾人拉到上面（指住Amy頸位置），兩個波都見到。」Amy續說：「我承認發明星夢，但唔代表可以隨便影我哋裸照！」Amy指事後前經理人聲稱已刪裸照，且二人即跟前經理人中止合作。二人報警後，陪伴她們的友人表示，由於案件於佛山發生，先由本港重案組跟進，稍後再轉介國際刑警，然後再交由公安處理。
採訪：藍文浩
攝影：黃文偉、陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！