【拆局】
恒隆集團主席陳啟宗早前炮轟財政司司長曾俊華是「大罪人」後，昨又將矛頭指向支持民主的市民、泛民，甚至前特首曾蔭權。有政界人士指陳四出點火，其實是為梁振英施政失誤找「替死鬼」，圖將梁造成的亂局推諉他人，免北京怪罪。
或枉作小人
來自建制、泛民、及商界消息均指，北京對梁班子接連爆醜聞、民望每下愈況，改善民生措施又未見落實，感到不滿，對梁的施政能力越來越質疑，「梁振英支持者以佢能力比唐英年好，說服北京換馬，但過去一年完全係貨不對辦，梁振英嘅能力根本唔掂」。
該政界人士指出，陳啟宗先轟曾俊華，再批支持民主的市民、泛民，其實是想為梁施政失敗找代罪羔羊，令梁好向北京交代，圖推卸責任，「民生落實唔到唔關梁振英事，係曾俊華唔肯畀錢；梁班子接連爆醜聞唔關梁振英事，係泛民小事化大，想搞到佢（梁振英）落台」。但政界人士直言，北京相當掌握香港形勢，陳啟宗或枉作小人：「梁振英搞到一鑊粥，北京點會唔知，唔係你陳啟宗講幾句就可以卸膊。」
《蘋果》記者
【動主播召喚敢你就來】
立即報名： http://anchor.nextmedia.com